On Kwanaka
Se tonajli on kwanaka okinextij sen tlayojli. Okajkok ikan itenchochipiyaj, niman okinijli o iyeyi amigos:
—¿Akinon nechpalewis para nikontokas in tlayojli?
Okijtoj on pitsotl:
—Nejwa ka.
Okijtoj on miston:
—Nejwa ka.
Okijtoj on chichi:
—Nejwa ka.
Ijkon tej, on kwanaka okimijlij:
—Nejwa noselti niktokas in notlayol.
Oajsik on tonajli ijkwak on kwanaka kinekiya kitlalmakas imil. Niman okijtoj:
—¿Akinon nechpalewis para nikontlalmakas nomiltsin?
On yeyimej ikojtojkej ika ka.
Okijtoj on pitsotl:
—Nejwa ka.
Okijtoj on miston:
—Nejwa ka.
Okijtoj on chichi:
—Nejwa ka.
Ijkon tej, okijtoj on kwanaka:
—Nejwa noselti niktlalmakas nomiltsin.
Oajsik on tonajli ijkwak kinekiya kichipawas imil, niman okijtoj:
—¿Akinon nechpalewis para nikchipawas nomiltsin?
Okijtoj on pitsotl:
—Nejwa ka.
Okijtoj on miston:
—Nejwa ka.
Okijtoj on chichi:
—Nejwa ka.
Ijkon tej, okijtoj on kwanaka:
—Nejwa noselti nikchipawas nomiltsin.
No sa no ijki onochiw ijkwak on kwanaka okipixkak on isin, ijkwak otlaox, ijkwak okinexkets on itlayol, ijkwak otis, niman ijkwak otlaxkaloj.
Kemaj okintlajtoltij:
—¿Akinon nechpalewis para nikwas in notlaxkal?
Okijtoj on pitsotl:
—Nejwa.
Okijtoj on miston:
—Nejwa.
Okijtoj on chichi:
—Nejwa.
Okimijlij on kwanaka:
—Ijkwak niknekiya xnechpalewikan, onemonenekej, aman noseltinikwas in notlaxkal.
Ijkon okinkwepiltij on kwanaka pampa sanoyej tlatsiwkej kaktaj.
...
|
|
|
|
|
|
|
|
|
Go to the beginning of the document
Go to previous page
Go to next page
Go to the end of document
