Salvatore di Giacomo
'A retirata
(1887)
Gioia bella.
pe'te vedé
c'aggio fatto
nun può sapé!
Si putesse parlà stu core,
quanta cose vulesse di';
ma, chiagnenno pe' lu dulore,
io m' 'o scippo, pe' n' 'o sentì!
Napule e nenne belle,
addio v'avimm' 'a di'...
Sentite 'a retirata?
Ce n ' avimmo da trasi!
Dice 'a gente
parlanno 'e me,
ca si parto
mme scordo 'e te!
A 'sta gente stu core mio,
pe' risposta tu fa' vede',
e dincello ca, si part'io,
tiene mmano nu pigno 'e me.
Napule e nenne belle,
addio v' avimm' 'a di'...
Sentite 'a retirata?
Ce n ' avimmo da trasì!
Gioia bella,
te l'aggi' 'a di'
ca dimane
s'ha dda partì!
Statte bona, può sta sicura
c' 'a medaglia voglio turnà!
A stu core tiénece cura,
si nun torno nun 'o jettà!
Napule e nenne belle,
addio v'avimm' 'a di'...
Sentite 'a retirata?
Ce n avimmo da trasì!
(Versi di S. Di Giacomo - Musica di P.M. Costa)
...
|
|
|
|
|
|
|
|
|
Go to the beginning of the document
Go to previous page
Go to next page
Go to the end of document
