







Salvatore di Giacomo


Era de Maggio 
(1885) 





Era de maggio e te cadeano 'nzino 
a schiocche a schiocche li ccerase rosse... 
Fresca era ll'aria e tutto lu ciardino 
addurava de rose a ciente passe. 

Era de maggio - io, no, nun me scordo - 
na canzona cantvamo a ddoje voce: 
cchi tiempo passa e cchi me n'allicordo, 
fresca era ll'aria e la canzona doce. 

E diceva. Core, core! 
core mio, luntano vaje; 
tu me lasse e io conto ll'ore, 
chi sa quanno turnarraje! 

Rispunnev'io: Turnarraggio 
quanno tornano li rrose, 
si stu sciore torna a maggio 
pure a maggio io stonco cca. 

E so' turnato, e mo, comm'a na vota, 
cantammo nzieme lu mutivo antico; 
passa lu tiempo e lu munno s'avota, 
ma ammore vero, no, nun vota vico. 

De te, bellezza mia, m'annamuraje, 
si t'allicuorde, nnanze a la funtana: 
l'acqua Il dinto nun se secca maje. 
e ferita d'ammore nun se sana. 

Nun se sana; ca sanata 
si se fosse, gioia mia, 
mmiezo a st'aria mbarzamata 
a guardare io nun starria! 

E te dico - Core, core! 
core mio, turnato io so': 
torna maggio e torna ammore, 
fa de me chello che buo'! 

(Versi di S. Di Giacomo - Musica di P. M. Costa)

 
