



Tot - Antonio De Curtis 

Ricunuscenza


ooo000ooo



Stanotte 'a dint' 'o lietto cu 'nu strillo
aggio miso arrevuoto tutt' 'a casa, 
mme so' mmiso a zump comme a n'arillo... 
E nun me faccio ancora persuaso.

Ma comme, dico io po', cu' tanta suonne,
i' mme so' ghiuto a ffa' 'o cchi malamente;
sti suonne songo suonne ca te pnno 
fa' rumman stecchito comme a niente. 

I' steve allerta 'ncoppa a 'na muntagna.
Tutt'a 'nu tratto sento 'nu lamiento. 
'O pizzo add stev' i' era sulagno... 
Dicette ncapo a me: E chisto  'o viento! 

Piglio e mme mengo pe' 'nu canalone 
e veco sott'a n'albero piangente 
'nu fuosso chino 'e prete a cuppulone... 
e sotto a tutto steva 'nu serpente. 

- Aiuto! Aiuto! - 'O povero animale 
se mettette 'allucc cu tutt' 'o sciato! 
Appena mme vedette: - Menu male!... 
Salvatemi! I' mo moro asfessiato! - 

- E chi t'ha cumbinato 'e sta manera? -
ll' addimannaje mentr' 'o libberavo. 
-  stato 'nu signore aieressera -
mme rispunnette, e ggi se repigliava. 

- Si nun era pe' vvuje', i' cca murevo 
facitave abbraccia, mio salvatore! 
Mme s'arravoglia' attuorno e s'astrigneva 
ca n'atu ppoco mme schiattava 'o core. 

Lassame! - Lle dicette - 'O vvi' ca i' moro? 
E chianu chianu mme mancava 'a forza, 
'o core mme sbatteva... ll'uocchie 'a fore,
mentre 'o serpente chiu strigneva 'a morza!

- Chisto e 'o ringraziamento ca mme faje?
Chesta e 'a ricunuscenza ca tu puorte? 
A chi t'ha fatto bbene chesto faje?
... Ca si' cuntento quanno 'o vide muorto! 

- Amico mio, serpente i' songo nato! ... 
... Chi nasce serpe  'nfamo e senza core!... 
... Perci t'aggia mangia! Ma t'h scurdato 
... ca ll'ommo, spisso, fa cchi peggio ancora?!




