Droukkinnig Nevenoiou (Le tribut de Nominoe)
An aourieotenn 'zo bet falc'het,
Brumeniñ raktal en deus graet.
Argad !
Brumenniñ 'ra, a lavare
An ozac'h meur eus lein 'n Are.
Argad !
Teir sizhun ma vrumenn teñval
Ken teñval, war duioù Bro-C'hall,
Ken n'hallan gwelout e nep giz
Va mab o tonet war e giz
Marc'hadour mat o vale bro
Ha klevjout-te roud eus Karo ?
- Bout a-walc'h, tad kozh an Are,
Ha penaos eo, ha pe zoare ?
- Den a skiant, den a galon,
Aet gant ar c'hirri da Roazhon,
Aet da Roazhon gant ar c'hirri,
Kezeg-tenn outo tri ha tri,
Ha kinnig Breizh ganto hep si,
Rannet mat etre pep hini.
- Mar d-eo ho mab ar c'hinniger,
E c'hortoz 'refot an aner,
Pa'z ejod da bouezañ 'n arc'hant,
Fallout a eure tri war gant,
Ken e lavaras ar merer :
Da benn, gwaz, a ray an afer !
Ha pegañ 'n e gleñv en deus graet,
Ha penn ho mab en deus troc'het.
Hag en e vlev en deus kroget
Hag er skudell 'n deus en taolet.
An ozac'h kozh 'dal m'e glevas
'Voe tost dezhañ ken na semplas;
War ar garreg e kouezhas krenn,
Kuzhzt e zremm gant
E benn 'n e zorn, o leñvañ meur :
- Karo, va mab, va mabig paour !
An ozac'h meur 'zo 'vont en hent
E gantañ war e lerc'h e gerent,
An ozac'h kozh 'zo 'vont e-biou
E-biou kêr-veur Nevenoioù.
_ Lavarit-hu din, penn-porzhier,
Hag-eñ 'mañ an An ozac'h er gêr ?
_ Pe emañ eñ, pe n'emañ ket,
Doue d'en dalc'ho e yec'hed !
N'oa ket peurlavaret e c'her
M'eo degouezhet 'n aotrou er gêr,
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
