Rapina
"Andemm a la Barona." Hinn duu giovinaster che me dann pocch affidament. Ma come foo a digh de nò? Son lì al postegg con la banderina alzada....
Quand semm a la Barona, me disen de fermà in d'ona stradetta perchè semm rivaa. Me volti indree e me troeuvi sotta el nas on sacranon de stil...
"Fuori tutti i soldi che hai, non muoverti e non gridare, questa è una rapa."
Me senti i sgrisor sul coppin, me guardi ben de refudà.
"I soldi hinn lì in del portafoeuj..."
"Dove?"
"In del cassett del cruscott..."
Vun el ven denanz, el derva el cassett, el tira foeura el portafoeuj, el ghe guarda denter e se le mett in saccoccia. L'alter el ven giò anca lù semper cont el stil in man.
"Sentii fioeu... tegnii i danee ma lassemm almen el portafoeuj cont i document..."
Eren giamò voltaa per andà via, ma hann tiraa foeura i danee e m'hann sbattuu el portafoeuj sul paviment del tassi.
G'hoo ditt "grazie". Hann minga responduu.
S'hinn lontanaa cantand ona veggia canzon:
"Taxi..i Taxi..i!!"
A cà a la miee g'hoo ditt nagott. Tant e tant l'era inutil spaventalla....
Manicomi, San Vittor e la 'rapa'... questi hinn i inconvenient de la vitta del tassista al dì d'incoeu.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
