MAURIZIO DEMATTEIS
Avem fach un sumi
Da Teits Chapèl de Robilant: Anna e Sandro
*********************
Teits Chapèl: ruaa de Robilant, dal cant manchin del Vermenanha, a 700 mètres d'autessa. La Comuna, de lenga e cultura occitana, se tròba al lòng de l'estatala n.20 que mena al Còl de Tenda e pren son nom da "rivo bullante", riu gorgolhant, o ben lo riu Chalanchas, que passa ental país derant de se campar ental Vermenanha. Per longtemp lo vilatge foguet liat a l'abat dal Borg que l'avia agut dal marqués de Saluces. Passet puei dessot lo distrèct de Coni e, ental 1364, ai Savòia. Afidat da Amedèu VII ai marqués de Ceva (1373), venerè reconquistat da Amedèu VIII ental 1425 e reünit al mandament de Coni. Ental 1619 lo vilatge foguet cedut en feude ai Nicolis, senhors de Varal, que embe lo title de conts de Robilant renderèn a lòng celèbre son nom. Lo país garda de nombrós bens artístics e arquitectònics, coma la façada d'la Paroquiala de Sant Donat (sècle XVIII), l'afrèsc dal '400 en Via Erminia embe dessús la madòna embe l'enfant, la gleisa dal '700 de Santa Crotz, desconsacraa ent'lhi ans '60 e rebutaa a salon de la Pro Loco e las tantas gleisetas a l'entorn dal país, ente se pòlon far de bèlas chaminaas. D'itineraris interessants remonton lo valon de Chalanchas e se rampinhon amont fins a de blanchas gleisetas, testimoniança de la devocion popolara; d'autres menon a la conca dal Malandrè, d'ente se veon las vielhas meiras embe lors típics cubèrts en palha. Da cant a las activitats tradicionalas d'enlevatge e de produccion de bòsc, lhi a de mòdernas activitats industrialas (cavas de siliç, fàbricas de ciment). Importants per l'economia dal país son ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
