Antoniu TROJANI (1901 - 1991)
Casata: TROJANI
Nome: Antoniu
Nascita: In 1901 in Ascu
Morte: In 1991 in Aiacciu
Stitutore, direttore di scola è Inspettore di l'Insignamentu primariu, scrivanu
Opere publicate:
Contes Corses, 1964
Dopu Cena (stalbatoghji Corsi) 1973
Sott'à l'Olmu, 1978
Strattu:
A FILATRICE
..Era un piacè à vedela travaglià. A so rocca a l'avia rigalata u maritu, un rigalu d'innamuratu. Era cusì bella, travagliata cun amore, à u spuntichju. U palu ne era lisciu è sprincicava di vechjaia. Ella u facia entre in una tracolla chì l'ingirava l'armone, poi falava in a cinta di a rota. Si pò dì ch'ella l'avia sempre azzingata, è ne avia talmente l'abitudine, chì ùn la si cacciava chè a notte, o per fà travagliu di forza, per andà in chjesa, o per fà e so parti ind'è un mortu, ind'è una sposa o ind'è un novu natu. A tenia cara issa rocca, chì era quella ch'ella purtava, tutta infrisgittata, in chjesa u ghjornu di u so matrimoniu, incù u so pinnechju biancu, spinnacciatu cum'è un ciuffu...
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
