Beppe Marzani
A cagnara
A cagnara
(segunda versciun)
Tûtt'apprøvu a dui mucchetti
che 'n imbrægu u l'ha cantou
l'è sûccessu i mariunetti
tante han vistu e n'han pagou.
Sciorte a Meza, a sø du Poulu
cun due gambe ch'a pá 'n foulu
e a te sbraggia: "Ah fanfarunn-a!
Ah scixèrbua! Ah rebellunn-a!
Ah scurlûssua! Ah cicchettunn-a!
Petenæve pelandrunn-a!
Ah piedini da strusciunn-a!"
Ghe rispunde a Texu imbræga,
pulveriera d'a gran bæga:
"A mustascia fintu spagu,
se m'imbrægu mi mou pagu
e vegnighe zû, v'inciagu,
rundinella sensa svagu,
dau barcun me pai ûn dragu!
Ah sirena da carruggiu!
Ah perrûcca insciu zenuggiu!"
"Se a smettesci saiva megiu,
nu ghe n'ei in caza spegiu,
minurenne da cullegiu!"
"Ostreghetta va a remengo!"
dixe ûn, mezu balengu.
Tûtt'apprøvu a dui mucchetti
che 'n imbrægu u l'ha cantou
l'è sûccessu i mariunetti
tante han vistu e n'han pagou.
S'intrumette ûn Giappuneize,
dui Spagnolli cu'ûn Ingleize
trei Tedeschi e 'n Ollandeize
ûn ch'u vø parlá Cineize,
ma la zuffa giá divampa
dal caruggio e per la rampa,
dai barcuin cáccian zû çegne,
gagge, fiaschi, pæte, legne,
cumudin, cassoule, ciappe,
tende, vazi, muin e trappe:
"Chissá come finirá?"
sbraggia ûn cu'ûn baccalá,
mentre a resca zû a nu va.
"Qui si muore dalle risa!"
e cullandu ûn pan de ghiza
che pe ûn giancu u l'ha piggiou
l'é ûn canníbbale scciûppou.
Tûtt'apprøvu a dui mucchetti
che 'n imbrægu u l'ha cantou
l'è sûccessu i mariunetti
tante han vistu e n'han pagou.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
