Beppe Marzari
Attenti au Brøxu
Attenti au Brøxu!
Sun andætu sciû pe Traxu
pe çercá d'e øve
fresche ciû á bun prexu,
arrembou me sun pe caxu
pe godime l'umbra
á 'n'ærbuu pin de çexe,
da quel'ærbuu ven 'na vuxe
che implurandu a dixe:
"Scia me ciamma a Teexu?
Su' arrestaa inganciaa cua frixa
che l'é inta camixa,
nu possu chinná!"
A l'ea de Traxu
figgia du Brøxu
natûralmente diventou mæ søxu,
sø mamma, a Teexu,
pensæ u ravaxu,
figge da máiu in caza a ghe n'ha dexe,
ho persu a paxe
apprøvu ae çexe
pe çercá d'e øve ciû á bun prexu,
mæ cai amixi...
-Cose ti dixi?
... se annæ sciû á Traxu...
-Cúntine Gioxe!
...me raccumandu stæve attenti au Brøxu!
Muntu sciû e, adaxu aduxu,
tra 'na çexa e 'n baxu
ghe destaccu a frixa,
l'ho lasciaa cue primme lûxe
mentre in luntanansa
me ragnava i axi,
doppu ûn meize semmu in gexa
mi e a Nettin de Traxu
prunti cue valixe
cøttu cumme insce'na braxe
nu pensava au Brøxu
díndughe de sci.
A l'ea de Traxu
figgia du Brøxu
natûralmente diventou mæ søxu,
sø mamma, a Teexu,
pensæ u ravaxu,
figge da máiu in caza a ghe n'ha dexe,
ho persu a paxe
apprøvu ae çexe
pe çercá d'e øve ciû á bun prexu,
mæ cai amixi...
-Cose ti dixi?
... se andæ sciû á Traxu...
-Cúntine Gioxe!
...me raccumandu stæve attenti au brøxu!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
